Kasing: Hilig sa mga Kabataan

ni: Earl May D. Emano




Ang kasing o ang spinning top mao karon ang ginakahiligan sa mga kabataan sa Barangay San Jose mapa-elementarya man o mahigh school.

Ang kasing ang makita karon nga bitbit sa mga kabatan-unan og atong nasayran nga uso lage da kini nga dula. Matod ni Modi(1999), usa ka manunulat, ang trompo dugay na nga ginadula sa bisang asang dapit sa kalibutan. Ang unang nadiskubrehan nga "spinning top" binuhat sa usa ka bata nga murag kurti sa bunga sa oak o english pa "acorn spun". Sa Japan kini nga "koma asobi", sa Stados Unidos ginatawag kini sama sa mga Amerikano nga "Spining top" nga usa sa pinakakaraan nga klase sa ilahang dula og sa Tsino aduna silay "Tsa lin" nga sa ilaha pod makita ang pinakabug-at nga trompo nga ang kabug-aton mukabat og 250kg.

Matod pa usa ka studyante nga mahilig mudula niani, ang kantidad sa nianing gamai nga dulaan lahi-lahi, kung adunay kolor mukabat og keyinse pesos og ang walay kolor mao ang tag diyes pesos.
Kung imong tan-awon ang ilang ginakalingawan, maayo pod kay dili pareha sa mga tagasyudad nga mga kabataan, mulingkod lang og ang kamot ang mudula atubangan sa computer.

Ang pagdula sa kasing adunay pagpasingot o paggahin og paningkamot samtang ilabay ang dulaan sa tunga nga naa ang ubang mga casing nga maoy targeton ug aron ipagawas kini. Dapat pod nga kini motoyok og kuhaon pinaagi sa pisi ug gatuyok gyapon sa kamot og utrohon nga ilabay arun mugawas ang kasing sa kontra.

Sa pag-obserba sa ilang dula, wala silay makuha nga ganti sa ilang kalingawan pero makita nimo nga malipayon gyapon sila nga gadula niani. Matod pa usa ka bata nga maayo niani nga taga San Jose, wala gyud premyo nga madawatan pero ang dugong nga maayo ka niini mao pod ang ilang ginapaningkamutan ug kung ikaw ang pildi makita pod kini sa imong kasing nga daghan na kaayog pahak kay sige man nga mabutang sa tunga nga maoy targeton sa mga maayo niani.

Ang pagdula sa kasing adunay makuha nga mga dili maayo samot sa mga kabataan nga di kaayo kabalo. Nasayod na kita nga ang tumoy sa dulaan adunay lansang nga makasamad. Mao, ang di maayo mudula panalagsa mapaingon dili sa salog nga tua ang targetonkung dili sa ubang ulo, kamot o lawas. Usahay pod ang gadula niani ang maunay kay mubalik lang trompo sa ilang nawong kay nasab-it kini sa ilang pisi.

Pahimdom nato sa mga ginikanan nga ang mga kabataan, bantayan og sultian nga hinay-hinay lang sa pagdula og kasing kay ang pagbasol dili gauna permi kini gakaulahi.